Pinangalanan ni alyas “Jana” sila Fr. Alberto Alejo, Atty. Jude Josue Sabio na siyang abogado ng self-confessed Davao Death Squad (DDS) hitman na si Edgar Matobato at isang alyas “Jonel” na staff umano ni Sen. Antonio Trillanes na nakipagkita sa kanya upang pag-usapan kung paano idiin sa isyu sa iligal na droga ang presidente sa ICC lalo’t hindi na umano umuubra ang isyu ng Extra Judicial Killings o EJK sa pangulo.
Ibinunyag din nito na si Fr. Alejo umano ang nagbigay sa kanya ng pera sa ibat-ibang pagkakataon na nagkakahalaga ng P20,000, P30,000 at sa huli P35,000 upang makapunta siya sa Manila kung saan gagawin ang karagdagan pang mga pagpupulong kung paano sirain sa International Community ang pangulo upang tumalab umano ang isinampang impeachment case laban dito.
Sinabi rin ni Jana na siya na sana ang susunod na lalantad kay SPO3 Arthur Lascañas na umanoy nabayaran din upang bumaliktad.
No comments:
Post a Comment